అత్రి మునికృత శ్రీరామస్తుతిః

నమామి భక్తవత్సలం,కృపాళు శీలకోమలం భజామి తే పదాంబుజం ,అకామినాం స్వధామదమ్। నికామ శ్యామ సుందరం,భవాంబువార్ధి మందరం ప్రఫుల్ల కంజలోచనం,మదాది దోషమోచనమ్॥1॥ ప్రలంబ బాహ విక్రమం,ప్రభోఽప్రమేయ వైభవం నిషంగ చాప సాయకం,ధరం త్రిలోకనాయకమ్। దినేశ వంశమండనం,మహేశచాప ఖండనం మునీంద్ర చిత్త రంజనం,సురారి బృంద భంజనమ్॥2॥ మనోజవైరి వందితం,అజాదిదేవ సేవితం విశుద్ధబోధ విగ్రహం,సమస్తదూషణాపహమ్। నమామి ఇందిరాపతిం,సుఖాకరం సతాం గతిం భజే సశక్తి సానుజం,శచీపతి ప్రియానుజమ్॥3॥ త్వదంఘ్రిమూల యే నరా భజంతి హీనమత్సరాః పతంతి నో భవార్ణవే వితర్కవీచిసంకులే। వివిక్త వాసినః సదా భజంతి ముక్తయే ముదా నిరస్య ఇంద్రియాదికం ప్రయాంతి తే గతిం స్వకమ్॥4॥ తమేక మద్భుతం ప్రభుం నిరీహమీశ్వరం విభుం జగద్గురుం చ శాశ్వతం తురీయమేవ కేవలమ్। భజామి భావవల్లభం,కుయోగినాం సుదుర్లభం స్వభక్త కల్పపాదపం,సమం సుసేవ్యమన్వహమ్॥5॥ అనూపరూప భూపతిం ,నతోఽహముర్విజాపతిం ప్రసీద మే నమామి తే పదాబ్జభక్తి దేహి మే। పఠంతి యే స్తవం త్విదం సదాదరేణ తే పదం వ్రజంతి నాఽత్ర సంశయం త్వదీయ భక్తి సంయుతాః॥6॥ ఇతి అత్రిమహామునికృతా శ్రీరామస్తుతిః సంపూర్ణమ్!!!!