లలితా పంచకమ్

ప్రాతః స్మరామి లలితా వదనారవిందం బింబాధరం పృథుల మౌక్తిక శోభినాసమ్। ఆకర్ణదీర్ఘనయనం మణికుండలాఢ్యమ్ మందస్మితం మృగమదోజ్జ్వల ఫాలదేశమ్॥1॥ ప్రాతర్భజామి లలితా భుజకల్పవల్లీమ్ రత్నాంగుళీయ లసదంగుళి పల్లవాఢ్యామ్। మాణిక్య హేమవలయాంగద శోభమానాం పుండ్రేక్షు చాపకుసుమేషు సృణీర్ దథానామ్॥2॥ ప్రాతః నమామి లలితా చరణారవిందం భక్తేష్టదాననిరతం భవసింధుపోతమ్ పద్మాసనాది సురనాయకపూజనీయం పద్మాంకుశ ధ్వజసుదర్శన లాంఛనాఢ్యమ్॥3॥ ప్రాతః స్తువే పరశివాం లలితాం భవానీం త్రయ్యంత వేద్యవిభవాం కరుణానవద్యామ్। విశ్వస్య సృష్టివిలయస్థితి హేతుభూతాం విశ్వేశ్వరీం నిగమవాజ్ఞ్మనసోఽతిదూరామ్॥4॥ ప్రాతర్వదామి లలితే తవ పుణ్యనామ కామేశ్వరీతి కమలేతి మహేశ్వరీతి। శ్రీ శాంభవీతి జగతాం జననీ పరేతి వాగ్దేవతేతి వచసా త్రిపురేశ్వరీతి॥5॥ యః శ్లోకపంచకమిదం లలితాంబికాయాః సౌభాగ్యదాం సులలితం పఠతి ప్రభాతే। తస్మై దదాతి లలితా ఝటితి ప్రసన్నా విద్యాం శ్రియం విపులసౌఖ్యమవంతకీర్తిమ్॥6॥ ఇతి శ్రీమత్ఛంకర భగవత్పాదాచార్య విరచితం లలితా పంచకమ్

శ్రీవిష్ణోః అష్టావింశతి నామస్తోత్రమ్

అర్జున ఉవాచ... కిం ను నామ సహస్రాణి జపతే చ పునఃపునః, యాని నామాని దివ్యాని తాని చాచక్ష్వ కేశవ!॥ 1. శ్రీభగవాన్ ఉవాచ... మత్స్యం కూర్మం వరాహం చ వామనం చ జనార్దనమ్, గోవిందం పుండరీకాక్షం మాధవం మధుసూదనమ్॥ 2. పద్మనాభం సహస్రాక్షం వనమాలిం హలాయుధమ్, గోవర్థనం హృషీకేశం వైకుంఠం పురుషోత్తమమ్॥ 3. విశ్వరూపం వాసుదేవం రామం నారాయణం హరిమ్, దామోదరం శ్రీధరం చ వేదాంగం గరుడధ్వజమ్॥ 4. అనంతం కృష్ణగోపాలం జపతో నాస్తి పాతకమ్, గవాం కోటి ప్రదానస్య అశ్వమేధశతస్య చ॥ 5. కన్యాదాన సహస్రాణాం ఫలం ప్రాప్నోతి మానవః, అమాయాం వా పౌర్ణమాస్యాం ఏకాదశ్యాం తథైవ చ॥ 6. సంధ్యాకాలే స్మరేన్నిత్యం ప్రాతఃకాలే తథైవ చ, మధ్యాహ్నే చ జపేన్నిత్యం సర్వపాపైః ప్రముచ్యతే॥ 7. ఇతి శ్రీకృష్ణార్జున సంవాదే శ్రీవిష్ణోరష్టావింశతి నామస్తోత్రం సంపూర్ణమ్.