చిదగ్నికుండ సంభూత

లలితా సహస్రనామావళిలోని నాలుగవ నామము చిదగ్నికుండ సంభూత. చిత్ అంటే చైతన్యము.చైతన్యము అనే అగ్నికుండము నుంచి ఉద్భవించినది గావున మాతకు చిదగ్నికుండ సంభూత అనే సార్థక నామము పెట్టబడింది. చిత్ అంటే జ్ఞానము అనికూడా అర్థము.అంటే జ్ఞానమనే అగ్నికుండములోనుంచి పుట్టినది. అగ్ని కల్మషాన్ని భస్మం చేస్తుంది.అజ్ఞానము అనే అంధకారాన్ని ఆమడ దూరం పారిపోయేలా చేస్తుంది.శుద్ధబ్రహ్మము చేరుకోవాలంటే ఆ చిదగ్నికుండ సంభూత ఆశీర్వాదము మనకు కావాలి.ఆ చల్లని చూపులు మనపై ప్రసరించాలి అంటే ఆతల్లిని మనసా వాచా కొలవాలి.